شعر و موسیقی سئوگیسی

آی منه من آیا باخاندان بری

دویقولار ایچینده غم منیم اولوب

 گؤزیاشی گؤزومده ن آخاندان بری

 یالنیزلیق آمانسیز هم دمیم اولوب

 آی منه، من آیا باخاندان بری

نغمه له ر قوشموشام قایداسیز، یؤلسوز

 شعیرله ر یازمیشام باشسیز و سؤنسوز

 دویقولار دنیزیم اوجسوز بوجاقسوز

 آی منه، من آیا باخاندان بری

...

دؤزنسیز دؤنیادا بؤغولورام من

هر بیر ایجتیمادان قؤغولورام من

گؤنده گر مین که ره اؤلدورسن منی

بیلکی مین بیر که ره دؤغولورام من

مطلب آرخاسینا مراجیعت ائدین

 شاعر سه زبانه / پروفسور بگلی”“فضولی

یازینی pdf ُفرمتینده اوخویون.

یاد و خاطره "فضولی" و "نباتـی" در تبریز گرامی داشته شد.

مطلب آرخاسینا مراجیعت ائدین 

                                                    مطلب آرخاسینا مراجیعت ائدین.

بئیر یئنی مثنوی

«ذوقوم داشیر»

گر نظرائتسم سنه دؤنیا وعالم هئچ نه دیر

بیلمیره م حالین زمانین بؤ زاماندا گئچ نه دیر

قؤی گلیم دیداریوه قؤربان ائدیم بؤجانیمی

سؤز وئریرسن باخاسان؟ بیمارائدیم بؤ حالیمی

    قؤی ائدیم قانی شراب هئچ لذذتینده ن دؤیما سن

عکسینی بئیر آیری جامه یادیگاره قؤیما سن

بئیربوراخ چنگ ائیله ییم،زؤلفونده بئیر چرخ ائیله ییم

یاچالیم آهنگ عشقی، عشقیده ن سؤز سویله ییم

ایذن وئر گؤزلر قاماش سین صورته گؤن سانیوه

گرساتار شمع صورتین، بئیر جوت پرپروانیه

بؤگئجه ذؤقوم داشیر بئیر دم قلم فیکر ائیله میر

هئی قاچیر بئیر دم دوراندا یار آدین ذیکر ائیله ییر

(سوزمه ن) آرتیق ایسته ییر عشقیله قالخیزسین الم

ایسته ییر چکسین دئیش سین جوهر جان وقلم

بونو اوخویون و گورون سیز کیم سیز!

(یئدینجی گؤی)

گئنه یاندردی مجنونی، سنین زؤلف پریشانین

گئنه سالدی نظر گؤزلر،سنین دیوانه ی خالین

شب هیجران ساچین ورسا،سحرچیخسا بئیرآششاره

داخی یانماز دلی مجنون،گؤره ر لیلانین هر حالین

فلک چکسه الین بئیر آن، یانان کؤنلوم ده پیکانه

داخی دینمه ز بؤدرد دل،ائیشه گلمز اؤدرمانین

دل بیچـاریه هردم دئمه گئـت، گه لمـه دیداره

سالار چؤلرده مجنونی، ائده ر دیوانه هیجرانین

سحرسالسا بئیرآن چشمون، چکیلسه پرده ی ظلمت

قاچار دؤزمه ز ده لی کؤنلوم، قؤیار ویرانه زندانین

ائده بئیر آن نظر معشوق، وئره مئی ده ن ده مجنونه

گئچه ر یئدینجی گؤیلر ده ن، گؤره ر ساقیله مهمانین

دئمه مجنونه ای (سوزمه ن)، سن ایچدین بئیر شراب ناب

کی اؤلسا عشق لیلالر،ائشـیتمه ز عقـل فرمانیـن

«قؤجا مست»

ای نازلی گؤزه ل کؤنلومی بئیل خسته دی،خسته

عؤمرون گئچه جه ک سنله قالان بئیر قؤرو بسته

اؤ چشـم خؤمارین  هوه سین ائتـمه کـی  ای یار

بئیر گؤن گئده جک، اؤندا قانار قلب شیکسته

سن سؤیله مه کی عشق اؤدونا یانمایان اؤلماز

گرعشق اؤدونا یانماسا کیم باغلیدی حبسه

هرکس توتولوب هم دم اؤلوب عشقیله بئیردم

درده ن باغریب آه ائدیب اؤبئی اؤجا سسله

یارب نه دی عشقین یاجاق سحریله، سیرری

مجـبور ائـدیر اینـسـانی دئـیه شعـریلـه بسته

آخیر کی ائـدیم مـن اؤزومو سا قیـه مهـمان

تاعرض ائله ییم دردیمی من بئیر قؤجا مسته

بلکه اؤلا (سوزمه ن) سنیـن اؤ دردینه درمان

بئیر شیشه ی مئی بئیرده گئنه جام شیکسته

بئیر غزل (او کس لر اوچون کی هر گلستانین گولون ایسته ییرلر)

«گؤونسیز عشق»

توتما هرگؤل دامنینده ن، گئمه هرشمع دؤرینه

آغلاما سن آیریلـقدان دؤزگؤنـن یا جـؤرینه

یاندریرهردم سنی،هئچ بئیر زامان گؤرمورسنی

گل بؤراخ سن شمع اؤلوب، یانما یالان پروانیه

یاکی واز گئچ باغلاما عهد وفا بئیر شمعه سن

آغلادار اؤز نورینه،هئی فرلادار اؤز دؤرینه

چؤخ چتیندیر شمع یانا پروانه اچون هرلحظه،دم

گرساتار شمع صورتین بئیر جوت پر پروانیه

آخیر ای بؤلبؤل گؤونمه، چؤخ باغیرما عشقیده ن

گؤل سنین فریاده عاشیق،گئتمه سن تئز بؤرینه

(سوزمه ن)ی هردم یاخیب یاخشی، یامان معشوقه لر

عشق باغلار قؤل قاناد سن چؤخ گؤونمه زؤرینه

«نئجه درک ائیله می سن»

ائیله ییب سن منی شان شان نئجه درک ائیله می سن

قلبیـمی یاش، گوزمو قان نئـجه درک ائیـله می سن

گئجـه لر من داراییردیم، سنین اؤ تـلـلرینی

سن اؤلوبسان منه سؤلطان نئجه درک ائیله می سن

گئجه لر له دانیـشیب، من سـحره قهر ائله دیم

منی گؤندوزده یاخیرسان نئجه درک ائیله می سن

بوراخیب سنده گئـدیرسن، منی یالـنیز قؤیوسان

منه چؤخ آغیردی هیجران نئجه درک ائیله می سن

دئـمه مجنونه دلی، بلـکه ده لیـلا ده لی دیر

سنه عاشیقدی زامان، نئجه درک ائیله می سن

منه سن سؤیله مه دیلبر یانمازام عشق اؤدونا

(سوزمه ن)ه ائیله مه پؤنهان نئجه درک ائیله می سن

یاخشی بئیر غزل (دوستلاریم اوچون)

« اؤمودسوز وصلت»

ای بؤلبول شیدا داخی گؤلده ن خبرین یوخ

ناله ائـدیسن سنـده منیم تک که درین چوخ

بئیر غملی اؤره ک بئیر ده قارا بختیمه سن باخ

اؤندا گؤره جکسن کی اؤره ک عشقیله دیر تؤخ

بئیر دم نظر ائدین گؤره سن بئیر قارا زؤلفی

یا سنده منیم تک دئـیسین منده اؤره ک یوخ

بئیر زؤلف پریشان، منی زنجیره چکیبدی

وصلت ائله ییب قلبیمه بئیل، ساده جه  بئیراؤخ

گه ل منـده باخیم خال لبـه،چشـم خومـاره

تا منده گؤروم شمس وقمر بئیر ده گؤزه ل رؤخ

(سوزمه ن) نه دئییم، یاخدی منی نازیله هیجران

آرتیق سنین اؤ وصلتینه بئیر اؤمودوم یؤخ

«وطن عشقی»

وطن عشقینده گه ره ک گلشنه سن خار اؤلاسان

وطنـه یاخشیف یامان  سنـده  نیـگهبان  اؤلاسـان

بئیرگؤله بیلمه لی سن خاردا نیگهباندا گه ره ک

وطن خاراؤلاسان، بلکه نیگهبان اؤلاسان

آللاهیمدان دیله ره م تؤرکی دیلین سن بیله سن

هر شئیی سن آتاسان بئیر آنا دیلدهن توتاسان

آناوین لایلاسینا قولاغ وئریب دینله یه سن

آنا دئیل چؤخ اؤخویوب اونون دادین آنلایاسان

آنا دئیل بئیر گؤله بنزر اؤنا بئیر گؤزچو گه ره ک

گـر اؤنا باخمایـا سان، جهـنمه یار اؤلاسان

(سوزمه ن)  آرتیق سنه بئیر سؤز دئمه لی آی اؤخویان

آنا دیلده ن اؤخویوب بهره آلیب شاد اؤلاسان

شهریارین رسیم له ری

 مثنوی معنوی تورکی دیلده ابیات ۱ - ۵۰

۱ گل ائشيت نئي دن شيكايت ائيله يير

آيريليقلاردان حيكايت ائيله يير

 تا قاميشليقدان اوزولدو اولفتيم

آغلاديب دونياني سونسوز مئحنتيم

 هيجردن يانميش اوره كدير ايسته ييم

ايشتيياقين آغريسين تا سؤيله ييم

 اؤز كؤكوندن كيمسه كيم دوشدو اوزاق

آختارار بيرلشمه يه داييم ياراق

۵ جمعلرده آه و نالم سالدي ايز

موتلو هم موتسوزلا اولدوم ديز به ديز

 يار اولور هر كس منه بير ظن ايله

يوخ ايشي سينمده اودلو سيرريله

 ليك نالمدن دئييل سيرريم اوزاق

گؤرمه مزليك گؤزلره اولموش دوزاق

 تن رواندان جان دا تندن آيري يوخ

گؤرمه يه جاني بو جيسمين ايزني يوخ

 نئي ده كي ناله، دئييل يئل، اوددور اود

بو اودا اودلانمايان جندك دي خود

 ۱۰ نئي ده كي اود، مئي ده كي قايناقدير عشق

عشق دورغونلوق دئييل اويناقدير عشق

 نئي دي ياردان آيريلانلار همدمي

نئي دي ييرتان ناله سي ايلن پرده ني

 نئي كيمي دردي، دواني كيم گؤروب

نئي ده كي سيزقين نواني كيم گؤروب

 قانلي يوللاردان آچير سؤز اودلو نئي

اودلانانلاردان آچير سؤز اودلو نئي

 بوردا هوش تاپماق باييلماقدير گؤزه ل

مستليك ايچره آييلماقدير گؤزه ل

۱۵ غوصه ميزدن قرنلر قالدي ملر

سوزونان بيرلشدي آيلار هفته لر

 گونلريم گئچدي قوي اؤتسون عيبي يوخ

قال گينان سن، ائي كي سندن غيري يوخ

 گون قارالتدي، عشق دن پايسيز، يقين

يانقي سي سوندو باليقدان غئيرينين

 پيشميشين حالين گؤزه ل خام آنلاماز

قيسسا گل خامي يئتيشميش دانلاماز

 اولما پولدان اؤترو بير پوللوق، اوغول

قئيديني سينديرگينان سوندان دوغول

 ۲۰ پاي وئرر دريا سنه بير كوزه ليك

كوزه دن آرتيق يئتيشمز گونده ليك

 دار گؤزه اولدو قوخوق دونيا هدف

دورره دولماز اولماسا قانع صدف

 عشق دن هر كيم كي ييرتدي جامه سين

معشوقوندان آلدي پاك ليق نامه سين

 اي ديريلدن پايلي عشقيم سن ياشا

سنله ويررام آغرينين باشين داشا

 چؤكدورنمز سنله مغرورلوق ديزه

سن سن افلاطونلا جالينوس بيزه

 ٢٥عشق دن تورپاق فلك دن آلدي باج

داغ گليبدير اويناغا قيزديردي ساج

عشق دن طور اولدو سرخوش تاپدي جان

دوشدو موسي رؤعبدن اوينار مكان

 نئي تكين يارلا دوداقلانسام اگر

اودلو سؤزدن عالمه ساللام شرر

 ديل قاناندان آيري دوشسه ديل قانان

مين نوا ايله اونو اولماز قانان

 اونداكي گول گئتدي سولدو گؤلسيتان

كيمسه وئرمز بيرده بولبولدن نيشان

٣٠  ديلبرين اوغروندا عاشيق پرده دير

يوخدو جان عاشيقده، ديلبر زينده دير

 واي اگر گؤزدن سالا عشق، عاشيقي

بير قانادسيز قوش اولار عشق عاشيقي

 هوش نئجه اولسون هم اؤن، هم آرخادا

چون دگيل يار شووقه سي، اؤن آرخادا

 عشق ايستر بحثدن چيخسين تووا

گوز گويه باخسان، نئجه وئرمز لووا

 هان نه دير عيلت، دگيل گوزگون چوغول

چونكي زاغلانميش دگيل گوزگون اوغول

٣٥  ايندي دوستلار دينله يين بير داستان

ائيله يير او بيزلرين حالين بيان

 بيزدن اؤنجه واريميش بير مرد راه

دينه هم دونيايه اولموش پادشاه

آتلانيب اؤزغو نلري ايله اوولاغا   

اوولاييب اوو، سالدي سس داغدان داغا

 بير قاراواش گؤردو يولدا پادشاه

اوولانيب دوشدو تورا هئی چکدی آه

 سينه سينده جان قوشو تاپميز قرار

پول تؤكوب ائتدي كنيزي ايختيار

٤٠  وصل جامين اوندان آلديقدان سورا

خسته لندي دوشدو قيز توردان تورا

واريدي بير گون پالانسيز ائششگي

تا پالان تاپدي يئدي قورد ائششگي

سو دئييردي، الده بومبوش كوزه سي

تا سويا ال تاپدي سيندي كوزه سي

 سؤيله دي شه سيز حكيم لرسيز خيدير

هر ايكي جان سيزلره يالوارچي دير

 من نه يم كي، جانيمين جاني اودور

خسته لنديم ديبده درمانيم اودور

٤٥  كيمسه كي قورتاردي غم دن جانيمي

يييه لندي دورروله مرجانيمي

 دئديلر جان ايسته سن جان دا نه وار

قازاريق علم ايله بيز درده مزار

 علمده بيزلر مسيحادن باشيق

مرهميك درده يورولماز قارداشيق

چون ياراندي غيفلت آللاهدان سار  ی

گؤرسديب بوشلوقلارين اؤندن تاري

 داش اوره كليكدير حقه سؤكن مه مك

 او دگيل قوندارما بير سؤز سؤيله مك

 گلمه ييب چوخ يئرده ايستيثنا ديله

 ليك اولوب اوندان بويوندا سيلسيله

بؤ شعری ائیکی نیما و بابک آدلی عزیزدؤستلاریم اؤچون یازمیشام و بونؤ دا سیزین له پایلاشماق ایسته ییره م کی نیما بئی تار چالماق دا و بابک بئی تمبک سازین چالماق دا اینانیلماز اؤستادیلار.

(اؤچ بوسه):بوسه ی تار و تمبک و شعر

بئیر زامان غم دولانیب قولارینا آلدی منی

گئنه دیوانه سازیم حالدان حالا سالدی منی

اورگیم وئردی خبروورگئنه میضرابی تارا

اولین دفعه دی نیمایه دئدیم ، یاخدی منی

ائله آغوشه چکیب تمبکی بئیر نازائله دی

سؤیله مک ایسته دیم امّا دئمه دیم،آچدی منی

ائیکی ساز، درک ائله دیم،بوسه ووروربیر بیرینه

ایسته دیم بوسه ووروم شعریله،آغلاددی منی

آلاهیم دان بئله بئیر ایسته دیگیم واردی دیلک

کی دییم بابکه من،چال سازینی ،چالدی منی        

شعرده لازیم اولان توضیحات

یاخدی:یاندیردی(ایستانبول ترکجه سینده،بئیر کلمه دیر)(سوزاند،آتش زد و...)

نیما:اؤشخصین آدیدی کی تاری چالیر(اینجا نام شخصی که تار را می نوازد)

تمبکی ناز ائله دی:یعنی تمبکی چالماغا باشلادی(تمبک را به صدا در آورد)

آچدی منی:منظوربودی کی باغریمی آچدی و بو شعرائشییه چیخدی( یعنی تمبک موجب شکافته شدن دل شد واین شعر حاصل شد)

ائیکی ساز:منظور تار و تمبک دیر (دو عدد ساز به نام تار و تمبک)

بوسه وورور بیر بیرینه:یعنی تار و تمبک بیر بیرلرین تامام لایلار(دو ساز تار وتمبک مکمل یکدیگرند)

شعریله بوسه وورماق:بوردا یانی کی شعری بو ائیکی سازا پیوند وورماک (یعنی این شعر را به دو ساز تمبک و تار پیوند زدن)              

بابک:هم تخلص شاعری و هم نام کسی که نوازنده ی تمبک بود      چالدی:اوغوررادی (دزدید)                         

 مفهوم  مصراع آخر:یعنی نواختن تمبک بابک دلم را دزدید  (بیانگر دل چسب بودن تمبک زدن او)

یاخشی بئیر سر به س شعر

عشقین داغی:

گه ل آماندیر من یانیرام

ده لی ده لی دؤشونوب

هر آن یانیزلقدان

اؤفکه له ریمی چیرپیرام دفترین اؤزونه

نه دیر، نه دیر،...

آخی نه دیر گؤناهیم، یانیم کؤل اؤلوم

نئجه یاخشیدیر؟ سن نئجه بئیلیرسن

بئیلیرسن کی عشقیله یانماق نه دیر

بئیلیرسن کی نه اؤچون فضولی دئییر(یارب بلای عشقیله قیل آشینا منی)

بئیلیرسن نه اؤچون آزولار خیالا دؤنور

بیلیرسن؟بیلیرسن؟...

وآللاه یانیرام، یانیرام

سینه م اؤلوب وره مینده غم داغی

نه جور داغ؟ آخی نه جور داغ؟

سوردوغون دا دئییره م:

بئیر داغ کی باشیندا سن وارسان

بئیر داغ کی سینه سینده سن وارسان

آنجاق آلتین دایسا من وارام، من!

آیاغین آتدا ازیب گئچیرسه ن

هئی، هئی ائحمال دئدیغم دایسا

باغریب سسینی که س دئییرسه ن

نه اؤچون، نه اؤچون...

نه اؤچون عشقه باش قالدیرماق اؤلمور

نه اؤچون یانیرام،یانیرام

قؤجا زامان دان، طبیعت ده ن

اؤندان بؤندان سؤرورام

کونلومون سسینه قولاق وئردیگیمده

گؤزوم تئز باغریب دئییر

دینمه، دینمه، آماندیر دینمه

بؤراخ بئیر دینجه لیم

اؤزومو بئیر بؤجاقدا یاخالاییب محکوم ائدیره م

سنین نئجه حاقین وار منی یاندیراسان

اؤزومو یاندیریرام، یاخیرام کیمسه نین اؤغرونا اؤلمادان

آرتیق ائیسته ییره م اؤ داغین باشین

بؤ کؤنلومون آراسین

ونهایده سنی ائسته ییره م، سنی

(سوزمه ن) دیر سنین هرلحظه خیالیندا اؤلان

قلم چابدریب یانیر، دالغالانیر

اؤمودوم سنه قاووشماقدیر، سنه

اؤلنه ده ک سنین اینتظاریندا قالاجاغام

بؤنو بئیل، بؤنو بئیل اؤنوتما

...

یئنی بئیر غزل  تقدیم اولسون عزیز شعر سئون دوستلاریما

(قؤی چکیم)

بئله ایذن ایسـته یـیره م تللریـنه شـانه چکـیم

اؤ گـوزل صـورتیـنی قلبـیده  دیـواره چـکیم

کونلوم ایستر کی دییه شعریله عنوانی سنه

بونو آنلاتماق اؤچون شمعیله پروانه چکیم

بونـو بیـیل اهـل خـراباتـه گئـنه یا  لـواراراق

مئیه لب وورماغ اؤچون بئیر،نئچه پیمانه چکیم

نه اؤچون سیزلاییرام  بیلمه یره ک من دئییره م

سنی وصف ائتمک اؤچون سروی گلستانه چکیم

گئـنه بیـر کُنـج خراباتـه گئـدیـب مسـکن ائـدیم

سـنی من گؤرمک  اؤچـون خنده نی گریانه چکیم

ال اؤزؤب جامی یئره من ووراراق آغلامیشام

غمی آنلاتماق اؤ چون قؤی اؤزومو داره چکیم

گئجـه نـی صؤبحه یئـتیـردیـم قلمـیم بیتدی داهـا

منی درک ائتمه ن اوچون (سوزمه)ی زندانه چکیم

یالان دونیا

سنین بهرن یئین کیمدیر؟

کیمینکی سن؟ ییه­ن کیمدیر؟

سنه دوغرو دئین کیمدیر؟

یالان دونیا، یالان دونیا!

سنی فرزانه لر آتدی

قاپیب، دیوانه لر توتدی

کیمی آلدی، کیمی ساتدی

ساتان دونیا، آلان دونیا

آتی ازل داغا سالدیق

یورولدوقجا دالی قالدیق

آتی ساتدیق، اولاغ آلدیق

یهر اولدی پالان دونیا

بیری آینا ، بیری پاس دیر

بیری آیدین، بیری کاس دیر

گجه توی دور، گونوز یاس دیر

گول آچدیقجا، سولان دونیا

ایگیت ارین باشین یئیه­ن

گوجالار بوزباشین یئیه­ن

قبیرلرین داشین یئیه­ن

اءوزو یئنه قالان دونیا!

نه قاندین، کیم گول اکن دیر؟

کیم قیلیج تک قان توکن دیر؟

تیمور هله کوره کن دیر

چنگیز جانین، آلان دونیا

یامان قورقو! ییغیلایدین!

طوفانلاردا بوغولایدین!

نه اولایدی بیر داغیلایدین

بیزی درده سالان دنیا

چاتیب، سندن کوءچن کچدی

اجل جامین، ایچن کچدی

اولان اولدو، کئچن کئچدی

نه ایستردین اولان دونیا

بوغولایدین، دوغان یئرده

دوغوب خلقی بوغان یئرده

اوغول نعشین اوغان یئرده

آنا زولفون یولان دونیا

تاريم منيم(شهریارین تارا گوره یازدیغی شعر)

سيزلايير احواليما صبحه قدر تاريم منيم

تكجه تاريم دير قارا گونلرده غمخواريم منيم

چوخ وفالي دوستلاريم واردير، يامان گون گلجه يين

تاردان اوزگه قالمايير يار وفاداريم منيم

يئر توتوب غمخانه ده، قيلديم فراموش عالمي

من تارين غمخواري اولدوم، تار غمخواريم منيم

گوزلريمه هر تبسم سانجيلير نئشتر كيمي

كيپريگي خنجردي، آه، اول بي وفا ياريم منيم

آسمان آلدي كناريمدان آي اوزلو ياريمي

ياش توكر اولدوز كيمي بو چشم خونباريم منيم

اي بو غملي كونلومون تاب و تواني، سويله بير

عهد و پيمانين نه اولدو، نولدو ايلغاريم منيم

"شهريار"م گرچي من سوز مولكونون سلطاني يم

گوز ياشيمدان باشقا يوخدور در شهواريم منيم

شهریارین معروف شعری(ترسا بالاسی)

اذن وئر توي گئجه سي من ده سنه دايه گليم

ال قاتاندا سنه مشاطه ، تماشايه گليم

سن بو مهتاب گئجه سي سئيره چيخان بير سرو اول

اذن وئر ، من ده دالينجا سورونوب سايه گليم

منه ده باخدين او شهلا گوزونله ، من قارا گون

جرئتيم اولمادي بير كلمه تمنايه گليم

من جهنم ده ده باش ياسديقا قويسام سنيله

هئچ آييلمام كي دوروب جنت مآوايه گليم

ننه قارنيندادا سنله آكيز اولسيديم اگر

ايسته مزديم دوغولوب بيرده بو دونيايه گليم

سن ياتيب جنتي رؤياده گؤرنده گئجه لر

من ده جنتده قوش اوللام ، كي او رؤيايه گليم

قيتليغ ايللر ياغشي تك قورويوب گؤز ياشيميز

كوي عشقينده گرك بيرده مصلايه گليم

سن ده صحرايه مارال لار كيمي بير چيخ ، نولي كي

من ده بير صيده چيخانلار كيمي ، صحرايه گليم

آللاهيندان سن اگر قورخموييب ، اولسان ترسا

قورخورام من ده دؤنوب دين مسيحايه گليم

شيخ صنعان كيمي دونقوز اوتاريب ايللرجه

سني بير گؤرمك اچون معبد ترسايه گليم

يوخ صنم! آنلاماديم ، آنلاماديم ، حاشا من

بوراخيم مسجيديمي ، سنله كليسايه گليم!

گل چيخاق طور تجلايه ، سن اول جلوه ي طور

من ده موسي كيمي ، او طوره تجلايه گليم

شيردير (( شهريار )) ين شعري ، الينده شمشير

كيم دئيه ر من بئله بير شيرله دعوايه گليم

اوخویون!

جلیل محمد قلیزاده (1932-1868) آذربایجان ادبیاتیندا یئنی بیر مکتب و حتی

یئنی بیر جیغیر آچمیش یازیچیدیر.

مطلب آرخاسینا مراجیعت ائدین.

یئنی بئیر غزل 

تقدیم سیز عزیزله ره

بیو گرافی:

من بابک عطاپور 1369 نجی ایلینده تبریزده آنادان

اؤلوب وعباسی آدلی محله ده آللاهین وآتا،آنام ین گؤلگه سینده

حیاتا آیاق قؤیدوم وگئدیکجه اؤنون یاخشیلیغین ویامانلیغین

گؤرمک له اؤنون نه اؤلدوغونو آنلادیم سونرا آتامین آلدیغی

کیتالارلا وطبیعت ده ن ایلهام آلاراق شعر دئیل آمما اؤرگیمین

سؤزون یازماغا باشلادیم اؤندان سونرا مدرسه حیاتیندا اؤستادیم

اکبر رضایی آدلی بئیر اینسان لا تانیشدیم و اؤنون یاردیمی له

چؤخلو گه لیشدیم و یاواش یاواش داها بؤیوک شاعیر لرله

تانیشدیم واؤنلارین سؤزون ده ن ایلهام آلماقلا وچؤخلو معنا لارا

اؤلاشماق لا داها گئنیش بئیر یولدا اولدوغومو آنلادیم وایلک دفعه

کی فضولینین بو سؤزون ائشیدیم (یارب بلای عشقیله قیل آشینا

منی) عشقین تانیماسام دا آز چؤخ نه اؤلدوغونو بیلدیم وهرگؤن اؤنونلا یاشاماغا

چالیشدیم وثانیه لر دیقه نی ودیقه لر ساعاتی قؤواراق عؤمور گئچدی وبؤ بویا

چاتدیق...

                                                  ساغ قالین وآللاهین گؤلگه سی آلتیندا یاشاین.